FC Ballkani mëson kundërshtarin për kualifikimet në Conference League

Përmes një postimi zyrtar në Facebook, klubi nga Suhareka ka njoftuar se do të përballet me fituesin e përballjes ndërmjet Floriana FC nga Malta dhe Haverfordwest County AFC nga Uellsi.

“Tifozë të dashur, tashmë veç është bërë e qartë se nga cila përballje e raundit të parë, e presim kundërshtarin në rrethin e dytë të Konferencë Ligës.

FC Ballkani ndeshet me fituesin e duelit ndërmjet Floriana FC (Maltë) dhe Haverfordwest Country AFC (Uells).

Na priftë e mbara 🧡🖤”, thuhet në njoftimin e klubit.

Ballkani ka përvojë të suksesshme në garat evropiane, duke synuar që edhe këtë sezon të kalojë fazat kualifikuese dhe të shkruajë histori të re për futbollin kosovar.

Ndeshjet e raundit të dytë kualifikues do të zhvillohen në fund të muajit korrik, dhe FC Ballkani do të kërkojë ta nisë mbarë rrugëtimin evropian.