Era kampion po i vjen, edhe kaq pikë i duhen Ballkanit për të bërë historinë

Mbase një gjë e tillë është bërë edhe më lehtë pas vendimit të sotëm të Komisionit të Garave që ndeshja e zhvilluar mes Ulpianës dhe Ballkanit të përfundojë me rezultat 0-3 në tavolinë, në favor të Ballkanit.

Pas këtij vendimi, diferenca e suharekasve ndaj klubeve ndjekëse, Dritës dhe Gjilanit është 11 pikë.

Andaj në 6 javët e fundit, nga 18 pikë të mundshme, Ballkanit i duhen vetëm 6 pikë, ku skuadra e udhëhequr nga trajneri Ilir Daja nuk pritet që të ketë vështirësi të arkëktoj këto 6 pikë, kjo bazuar në ndeshjet paraprake të zhvilluar si dhe në kalendarin që ka.