Pas Ballkanit që u shpall kampion i Superligës së Kosovës në futboll për edicionin 2021/2022 si dhe Golden Eagle Yllit në Superligën e Kosovës në basketboll, kështu duke e mbrojtur titullin, gjithashtu suksese po tregojnë edhe vajzat e Komunës së Suharekës në sportin e volejbollit.

E gjatë ditës së sotme ka ardhur edhe një lajm i mirë për Komunën e Suharekës, ku tashmë edhe vajzat i kemi kampione.

KV Gjinoci është shpallur kampion i Kosovës në grupmoshën nën 16-vjeç, duke treguar profesionalizëm dhe përkushtim të veçantë.

Kryetari i Komunës së Suharekës, Bali Muharremaj ka theksuar se komuna është krenar me ju.

“Edhe vajzat e Komunës së Suharekës kampione në nivel vendi. KV Gjinoci është shpallur kampion i Kosovës në grupmoshën nën 16-vjeç, duke treguar profesionalizëm dhe përkushtim të veçantë. Ne jemi krenar me ju”, ka shkruar Muharremaj.

Ndryshe, para një muaji në kuadër të garave të sportit shkollor, u zhvilluan edhe garat republikane në volejboll për SHMU-të dhe SHML-të, femra dhe meshkuj, ku në një konkurencë të fortë morën pjesë shkollat më të mira të Kosovës, ShMU “Dituria” – Samadrexhë, zuri vendin e parë duke u shpallur Kampion Republikan.