Duel vendimtar për mbijetesë: Suhareka pret Feronikelin ’74 në ndeshjen e fundit të xhiros së 24-të

13.03.2025

Në një përballje dramatike për mbijetesë në Albi Mall Superligë, Suhareka dhe Feronikeli ’74 do të ndeshen në ndeshjen e fundit të xhiros së 24-të.

Të dyja skuadrat, të pozicionuara në fund të tabelës, do të kërkojnë me ngulm fitoren, e cila do të rriste ndjeshëm shanset e tyre për të qëndruar në elitën e futbollit kosovar.

Suhareka vjen në këtë ndeshje në një moment të vështirë, me vetëm një pikë të grumbulluar në pesë ndeshjet e fundit dhe me një trajner të ri pas largimit të Qëndrim Kidës. Presioni është i madh mbi vendasit, të cilët duhet të reagojnë patjetër për të shmangur rënien nga kategoria.

Në anën tjetër, Feronikeli ’74 po shpreson të përsërisë suksesin e ndeshjes së fundit, ku arriti të mposhtë Dukagjinin. Të motivuar nga ajo fitore, mysafirët do të synojnë të shkaktojnë një tjetër befasim dhe të marrin tre pikët e rëndësishme në Suharekë.

Formacionet zyrtare:

  • Suhareka: Avdimetaj, Hasanaj, Kodra, Ajvazi, Memolla, Stijepovic, Susuri, Boshnjaku, Fetahaj, Berisha, Zeka.
  • Feronikeli ’74: Moschin, Musa, Morina, Halili, Lleshi, Terzi, Karagkaunis, Maloku, Zekolli, Mudrazija, Hyseni.