Dedikimi i ‘Lewandowskit’ të Ballkanit pas golit të parë në Superligë
Klubi futbollistik nga Suhareka, Ballkani pas humbjes nga Llapi javën që lamë pas, tashmë i është rikthyer fitoreve në Superligën e Kosovës. Ballkani ka triumfuar kundër Malishevës me rezultat 2-0 në stadiumin e qytetit në Suharekë. Trajneri i suharekasve, Bekim Isufi me tre pikëshin e fituar është shprehur i lumtur, ku ka shtuar se futbollistët […]
Klubi futbollistik nga Suhareka, Ballkani pas humbjes nga Llapi javën që lamë pas, tashmë i është rikthyer fitoreve në Superligën e Kosovës.
Ballkani ka triumfuar kundër Malishevës me rezultat 2-0 në stadiumin e qytetit në Suharekë.
Trajneri i suharekasve, Bekim Isufi me tre pikëshin e fituar është shprehur i lumtur, ku ka shtuar se futbollistët e tij fituan me meritë.
Ndërkaq, ‘Lewandowski’ i Ballkanit, apo Albion Rrahmani, e ka realizuar golin e parë me fanellën e skuadrës nga Suhareka në kampionat.
Sulmuesi Rrahmani realizoi në minutën e 76’ të ndeshjes, kurse golin e dytë për Ballkanin e shënoi Ermal Krasniqi në minutën e 90+1’.
Golin e parë me fanellën e Ballkanit, Albion Rrahmani, i’a ka dedikuar gjyshit të tij, i cili ka ndërruar jetë 9 vite më parë.
“Kete gol ja dedikoj Gjyshit tim te ndjer qe sot para 9 vite nderroi jet Gjysh faleminderit per keshillat e tua te pandalshme, pom mungon shum Tedua”, ka shkruar Rrahmani në facebook.
Më poshtë keni postimin e plotë të futbollistit të Ballkanit.