Disa situata të zakonshme që përjetojnë njerëzit që vuajnë nga traumat

Fabrika e Mobileve "TE NASERI"

Mobilo shtëpinë deri në 10,000 € me mundësi pagese deri në 36 muaj.

Mendimet, shqetësimet dhe përvojat e njerëzve që kanë përjetuar trauma si fëmijë apo si të rritur, janë shumë prezente në jetën tonë, apo të atyre që na rrethojnë.

Ne kemi përzgjedhur disa eksperienca që zakonisht këta persona përjetojnë, në mënyrë që të ndihen se nuk janë vetëm, por edhe të kuptohen më mirë nga të tjerët.

Edhe situatat që s’janë shumë serioze, duken si të tilla

Traumat bindin trurin që të shkojë në një gjendje rreziku dhe të përcjellë stres dhe ankth, edhe në situata që në pamje të parë s’duken aq serioze.

Dëshira për të konsumuar alkool apo lëndë narkotike

Në të dyja rastet, njerëzit ndihen sikur shkëputen nga realiteti dhe dhimbja momentale, duke kërkuar diçka që u jep siguri dhe i largon nga stresi.

Mendimi se vetëm ata po vuajnë

Zakonisht, njerëzit që përballen me trauma, mendojnë se çdokush tjetër ka një jetë perfekte. Sipas tyre, si pasojë e traumave ata janë të vetmit që vuajnë dhe shumë shpesh krahasojnë veten me të tjerët.

Krijojnë skenare

Nuk mungojnë rastet kur njerëzit që kanë trauma të ndryshme, veçanërisht nga prindërit, mendojnë sesi do të ishte jeta e tyre nëse do të kishin prindër të dashur apo më të përgjegjshëm.

“A jam shumë i thyer për të më dashur të tjerët?”

Njerëzit që kanë trauma i përjetojnë shumë më keq ndarjet miqësore dhe romantike. Ata mendojnë se në këto raste, fajin e kanë vetë dhe se janë shumë të thyer dhe të dëmtuar që të marrin dashuri prej të tjerëve.

Gjithnjë largohen nga diçka

Mënyra se si janë rritur i “detyron” që të largohen vazhdimisht nga mendimi apo situata të ndryshme. Kështu, e gjitha bëhet shteruese dhe shpeshherë, e gjejnë veten të lodhur mendërisht dhe shpirtërisht.

Kanë tendencën të sabotojnë marrëdhëniet e afërta

Nuk ka rëndësi sa shumë e duan dikë, kanë tendencën të sabotojnë dhe ta ndërpresin lidhjen, sepse ndiejnë se herët a vonë kjo do të ndodhë dhe nuk duan të lëndojnë veten.

Risheh vazhdimisht të njëjtat seriale

E gjejnë shpesh veten duke parë seriale si “Friends” apo “The Office” dhe kjo tregon se ndoshta po kërkojnë të njëjtën harmoni shoqërore dhe familjare që këto seriale të ofrojnë, citon Anabel.

Kalojnë shumë kohë duke bërë të tjerët të lumtur

Praktikisht, jetojnë për të tjerët dhe sakrifikojnë shumë nga vetja që t’i bëjnë të lumtur dhe që të ndihen rehat, pasi mendojnë se nëse nuk i bëjnë këto veprime, të tjerët do të t’i harrojnë dhe nuk do t’u flasin më kurrë.