Dhuna në familje, vetëm të hënën janë raportuar tre raste

Vetëm brenda 24 orëve, policia ka regjistruar tre raste të dhunës në familje në tri qytete të ndryshme të Kosovës.

Rastet e regjistruara:

• Leposaviq: Një femër është sulmuar fizikisht nga i dashuri i saj pas një mosmarrëveshjeje. Për më tepër, viktima është ngacmuar edhe përmes telefonit.
• Pejë: Një burrë ka sulmuar fizikisht bashkëshorten e tij, ndërsa gjatë bastisjes në shtëpi policia ka gjetur dhe sekuestruar një armë AK-47 me 18 fishekë. Viktima ka pranuar ndihmë mjekësore, ndërsa i dyshuari është arrestuar dhe dërguar në mbajtje.
• Fushë Kosovë: Dy gra janë përfshirë në një konflikt fizik, ku njëra prej tyre ka sulmuar tjetrën. Viktima ka pranuar ndihmë mjekësore, ndërsa e dyshuara është arrestuar dhe dërguar në mbajtje.

Këto raste të fundit vënë në pah se dhuna në familje nuk njeh kufij, dhe se mund të ndodhë në çdo familje, pavarësisht nga statusi social apo gjinia e kryesit të dhunës.

Të gjithë ne kemi një rol të rëndësishëm në luftën kundër dhunës në familje. Nëse ju ose dikush që ju njihni është viktimë e dhunës, mos heshtoni! Kërkoni ndihmë nga policia, organizatat joqeveritare, ose nga një person që ju besoni.