Kosova U18 arrin kualifikimin në Kampionatin Botëror të hendbollit

03.03.2024

Një tjetër sukses historik ka përcjellur sportin kosovar, ndërsa kësaj radhe kemi të bëjmë me atë të hendbollit.

Kosova U18 arrin kualifikimin në Kampionatin Botëror të hendbollit Foto: Ilustrim

Përfaqësuesja U18 e Kosovës në hendboll ka siguruar kualifikimin në Kampionatin Botëror që do të mbahet gjatë muajit gusht në Kinë.

Vajzat tona arritën që të mposhtin Nigerinë në ndeshjen që vendosi fatin e kualifikimit me rezultat 22:16.

Përballja mes hendbollisteve të Kosovës dhe atyre të Nigerisë u zhvillua sot (e diel) në qytetin e Tashkentit në Uzbekistan në kuadër të finales së IHF Trophy Intercontinental.

Ndeshja pra përfundoi me rezultat të ngushtë, mirëpo vetëmohimi i vajzave tona në fund u shpërblye me fitore.

Me të përfunduar dueli reagim pati edhe nga Federata e Hendbollit të Kosoves (FHK) të cilët e cilësuan këtë arritje si sukses historik.