Shtiu me armë zjarri në një lokal në Lubizhdë, arratiset i dyshuari

Sipas raportit të Policisë së Kosovës, bëhet e ditur se është raportuar se i dyshuari mashkull kosovar ka shtënë me armë zjarri brenda një lokale i cili ishte duke u bërë gati për hapje.

Rasti raportohet të ketë ndodhur dje rreth orës 21:00 në fshatin Lubizhdë të Prizrenit.

Nuk raportohet për të lënduar. I dyshuari gjendet në arrati, ndërsa rasti është duke u hetuar.

“SHKAKTIM I RREZIKUT TË PËRGJITHSHËM / Fsh. Lubizhdë, Prizren, 11.05.2022 – 21:00. Është raportuar se i dyshuari mashkull kosovar ka shtënë me armë zjarri brenda një lokali i cili ishte duke u bërë gati për hapje. Nuk raportohet për të lënduar. I dyshuari gjendet në arrati. Rasti është duke u hetuar.”, thuhet në raportin e PK-së.