Prizren, arrestohen dy të dyshuar për dhunë në familje, njëri rrahu gjyshen e tjetri motrën

Rastet e dhunës në familje janë ndër rastet më të shpeshta që raportohen në Policinë e Kosovës. Poashtu, këto raste mbetën sfidë për institucionet e vendit pavarësisht se sa punohet në parandalimin e tyre.

Nga raportet e policisë rezulton se shumica e viktimave të dhunës në familje janë femra.

Dy raste të dhunës në familje janë raportuar dje gjatë ditës së premte në Stacionin e Policisë në Prizren, raporton SuharekaOnline.

Sipas raportit të policisë bëhet e ditur se dy persona të dyshuar në raste të ndara janë arrestuar dhe dërguar në mbajtje, pasi që të njëjtit dyshohet se kanë ushtruar dhunë në familje, njëri ndaj motrës, e njëri ndaj gjyshës së tij.

“Prizren 21.07.2023 – 00:25. Është arrestuar i dyshuari m/k pasi që ka ushtruar dhunë fizike ndaj motrës së tij f/k. Viktima nuk ka pranuar tretman mjekësor. Me vendim të prokurorit i dyshuari është dërguar në mbajtje.

Prizren 21.07.2023-21:35. Është arrestuar i dyshuari m/k nën dyshimin se i njëjti për motive të panjohura ka sulmuar fizikisht viktimën f/k-gjyshen e tij.  Me vendim të prokurorit, i dyshuari pas intervistimit është dërguar në mbajtje.” thuhet në njoftimin e policisë.