Policia e Kosovës për 24 orë arrestoi 16 persona, 3 në Prizren

Policia e Kosovës çdo ditë përballet me raste të ndryshme të cilat raportohen nga qytetarët, e ku në shumicën e rasteve ata përballen edhe me të dyshuarit të cilët kryejnë vepra të ndryshme penale.

Gjatë ditës së mërkurë Policia e Kosovës bën të ditur se ka arrestuar 16 persona, shkruan SuharekaOnline.

Poashtu, në 24 orëshin e fundit policia njofton se 8 persona të dyshuar janë dërguar në mbajtje dhe 5 të tjerë në vuajtje të dënimit.

Raporti i policisë përmbanë edhe arsyet e arrestimeve të personave të dyshuar për vepra të ndryshme penale.

Policia e Kosovës në Prizren ka njoftuar se ka arrestuar dhe dërguar në mbajtje 3 të dyshuar për vepra të ndryshme penale si: dhunë në familje, mashtrim dhe posedim të substancave narkotike.

“Prizren 08.02.2023 – 20:00. Është arrestuar i dyshuari mashkull  kosovar pasi që i njëjti ka ushtruar dhunë ndaj motrës së tij viktimës femër kosovare. Viktima ka pranuar tretman mjekësor. Me vendim të prokurorit i dyshuari është dërguar në mbajtje.   

Rr. Ekrem Rexha, Prizren 08.02.2023 – 18:20. Është arrestuar i dyshuari mashkull  kosovar pasi që gjatë kontrollit tek i njëjti është gjetur dhe konfiskuar 0.33 gram substancë narkotike e llojit kokainë. Me vendim të prokurorit i dyshuari është dërguar në mbajtje.   

Fsh. Korishë, Prizren 01.09.2022 – 13:40. Më 08.02.2023 është arrestuar i dyshuari mashkull kosovar me dyshimin se i njëjti me qëllim të përfitimit personal në mënyrë të kundërligjshme duke i premtuar viktimës se do ta punësojë një anëtarë të familjes në spital i ka marr një shumë parash. I dyshuari është intervistuar dhe me vendim të prokurorit është dërguar në mbajtje.” thuhet në njoftimin e policisë.