Kishte sjellje agresive ndaj familjarëve të tij, arrestohet dhe dërgohet në mbajtje prizrenasi

Sigurimi Internacional

Ofertë speciale

Rastet e dhunës në familje raportohen pothuajse çdo ditë në Policinë e Kosovës, të cilat janë poashtu një ndër rastet më sfiduese për institucionet e vendit.

Nga raportet e policisë në shumicën e rasteve, viktimat e dhunës në failje janë femrat, po nuk përjashtohen rastet kur të dyshuarit për arsye të ndryshme apo edhe të panjohura, dalin nga kontrolli dhe shkaktojnë probleme e ushtrojnë dhunë ndaj familjarëve të tyre.

Një rast i tillë është raportuar gjatë ditës së enjte në Stacionin Policor në Prizren, raporton SuharekaOnline.

Sipas raportit të policisë bëhet e ditur se dje rreth orës 00:20, një person ka pasur sjellje agresive ndaj familjarëve të tij si dhe ka thyer e demoluar orenditë shtëpiake.

Poashtu, policia bën të ditur se për rastin në fjalë është njoftuar edhe prokurori i shtetit, ku me vendimin e tij i dyshuari është arrestuar dhe dërguar në mbajtje për 48 orë.

Policia e Kosovës në Prizren ka njoftuar se rasti në fjalë është duke u hetuar nga njësitet përkatëse.