Kanosi një person, arrestohet dhe dërgohet në mbajtje i dyshuari në Prizren

Mosmarrëveshjet për çështje të ndryshme mes njerëzve janë raste të cilat i dëgjojmë çdo ditë, e të njëjtat pothuajse çdo herë përfundojnë me kanosje apo edhe sulme fizike.

Një rast të tillë të hënën e 7 gushtit e ka raportuar në Policinë e Prizrenit një person, raporton SuharekaOnline.

Sipas policisë viktima ka deklaruar se pas një mosmarrëveshje që kishte me të dyshuarin, është kanosur nga ai.

Poashtu, policia njofton se i dyshuari është arrestuar dhe me vendim të prokurorit i njëjti është dërguar në vuajtje të dënimit.

“Prizren  07.08.2023 – 14:00. Është arrestuar i dyshuari mashkull kosovar pasi që, pas një mosmarrëveshje e ka kanosur viktimën mashkull kosovar. Me vendim të prokurorit i dyshuari është dërguar në mbajtje.” thuhet në njoftimin e policisë.