E kërcënoi me mesazhe në telefon dhe i shkoi tek shtëpia, arrestohet i dyshuari që kanosi një femër në Prizren

Rastet e kërcënimeve përmes telefonit në vendin tonë janë shpeshtuar kohëve të fundit, por në shumicën e rasteve ato nuk mbetën vetëm të shkruara apo të thëna në telefon.

Një rast i kanosjës është raportuar edhe në Policinë e Prizrenit nga një femër, shkruan SuharekaOnline.

Policia e Kosovës në Prizren njofton se ka arrestuar një person nëndyshimin se i njejti ka kanosur një femër.

Sipas policisë fillimisht i dyshuari me telefon i kishte dërguar viktimës mesazhe me përmbajtje kërcënuese, ku pastaj edhe i kishte shkuar tek shtëpia e saj dhe e kishte kanosur atë.

Policia bën të ditur se i dyshuari pas intervistimit, me vendim të prokurorit është dërguar në mbajtje.