Zjarri përfshin një hotel në Brezovicë, dëme të konsiderueshme materiale(Video)
Një hotel në Brezovicë është përfshirë nga zjarri në orët e para të mëngjesit të sotëm, duke shkaktuar dëme të konsiderueshme materiale. Fatmirësisht, nuk raportohet për të lënduar.
Foto: Ilustrim
Lajmin e ka konfirmuar zëdhënësi i policisë për rajonin e Ferizajt, Kanun Veseli.
“Sot rreth orës 10:15 kemi pranuar një informatë për një zjarr ku është përfshirë një restorant/hotel në Brezovicë.
Ekipet e zjarrfikësve dhe policia kanë arritur menjëherë në vendin e ngjarjes. Zjarrfikësit po punojnë për të lokalizuar dhe shuar zjarrin, ndërsa policia po bën sigurimin e zonës përreth.
Aktualisht, nuk ka raportime për të lënduar, ndërsa dëmet materiale janë të konsiderueshme.” ka theksuar Veseli.
Në vendin e ngjarjes kanë dalë edhe hetuesit për të përcaktuar shkaqet e zjarrit, derisa në ndihmë për shuarjen e zjarrit janë edhe zjarrfikës të Ferizajt dhe Kaçanikut.
