Vazhdojnë pritjet e gjata në kufirin Kroaci-Serbi, kolona deri në 15 Km

Në dalje të Kroacisë, gjatësia e kolonës ka arritur deri në 15 kilometra, ndërsa pritjet zgjasin me orë të tëra.

Gjithashtu edhe në Tovarnik, kufiri më i afërt me Bajakovën, udhëtarët po përballen me vonesa të ndjeshme, ku koha e pritjes shkon deri në 4 orë.

Përveç pikëkalimeve kufitare, probleme raportohen edhe në autostradën A3, ku në seksionin midis kilometrave 272+500 dhe 274+500, drejtimi për në Lipovcit është i mbingarkuar.

Komunikacioni zhvillohet në dy korsi, por me shpejtësi të kufizuar në 60 km/h.

Gjatësia e kolonës në këtë zonë ka arritur në 2 km, dhe situata vazhdon të përkeqësohet.