Arianit Koci: Ministri dhe ambasadori duhej të ishin pranë mërgimtarëve të bllokuar në kufirin me Kroacinë
Avokati Arianit Koci ka reaguar për bllokimin e mërgimtarëve kosovarë në kufirin Kroaci–Serbi, duke kritikuar mungesën e angazhimit të institucioneve të Kosovës.
Foto: Ilustrim
Përmes një postimi në rrjetet sociale, Koci ka thënë se ministri i Punëve të Jashtme, ose të paktën zëvendësministri, si dhe ambasadori i Kosovës në Kroaci, do të duhej të ishin pranë bashkatdhetarëve deri në zhbllokimin e situatës.
“Së paku, unë kisha qëndruar aty deri në zhbllokimin e kufirit”, ka shkruar ai.Sipas Kocit, Kroacia është një shtet mik i Kosovës dhe një interesim i drejtpërdrejtë nga zyrtarët e Kosovës do të mund të ndihmonte në përshpejtimin e zgjidhjes së situatës.
“Kroacia është shtet mik dhe, kur e sheh që vetë ministri apo së paku zëvendësministri po interesohet për qytetarët e vet, besoj se bën çmos për lirimin e kufirit”, ka theksuar ai.
Në fund të reagimit, Koci ka rikujtuar se politikanët janë në radhë të parë në shërbim të qytetarëve, duke kërkuar më shumë përkushtim institucional në raste të tilla.
