DKA-Suharekë zgjedh drejtorin e ri të shkollës fillore në Sallagrazhdë

Ndërkaq kjo drejtori me datë 26 prill ka publikuar rezultatet përfundimtare të konkursit për drejtor shkolle në SHFMU “Gjergj Kastrioti Skënderbeu” në fshatin Sallagrazhdë.

“Njoftohen të gjithë kandidatët të cilët kanë aplikuar në konkursin e shpallur 05 nr.174 të datës 22.02.2022 për plotësimin e pozitave të shpallura si në konkurs, se është pranuar në pozitën drejtor shkolle një kandidat”, thuhet në njoftim.

Sipas këtij njoftimi bëhet e ditur se në pozitën drejtor shkolle në SHFMU “Gj. K. Skënderbeu” në Sallagrazhdë është pranuar kandidati Bafti Gashi.

Udhëzime juridike: Të gjithë kandidatët e pakënaqur kanë të drejtë ankese në komisionin për ankesa dhe parashtresa në KK Suharekë në afat prej 8 ditësh nga dita e publikimit të këtij njoftimi.