Sot vranët, mëngjeset dhe mbrëmjet e ftofta

Instituti Hidrometeorologjik i Kosovës (IHMK) përmes një njoftimi, ka bërë të ditur se gjatë ditës parashihet të ketë vranësira të dendura, ndërsa mëngjeset dhe mbrëmjet parashihen të jenë të freskëta.

Po ashtu, nga IHMK-ja kanë njoftuar se lagështia relative mesatare ditore parashihet t’i shënojë vlerat rreth normales,(50-75%).

Ndërkaq, sa i përket presionit atmosferik, vlerat e saj mbeten mbi normalen (1013mb).

Temperaturat minimale do të lëvizin ndërmjet 2-4 gradë Celsius, ndërsa maksimalet e ditës parashihen të lëvizin ndërmjet 21-23 gradë Celsius.

Kushtet biometeorologjike do të jenë të mira gjatë gjithë javës. Do të fryjë erë kryesisht nga juglindja e lehtë deri mesatare.