Shtjerret buxheti, mbyllet përkohësisht aplikimi për subvencionim të pajisjeve efiçiente

13.10.2022

Ministria e Ekonomisë përmes një njoftimi, ka bërë të ditur se Thirrja Publike për Subvencionim të Efiçiencës së Energjisë për qytetarët, e hapur me datën 06.10.2022, dje është mbyllur përkohësisht për aplikim pasi që numri i aplikimeve ka shteruar buxhetin e paraparë për këtë thirrje. Ky kalkulim është bërë duke u bazuar në kriterin që […]

Ministria e Ekonomisë përmes një njoftimi, ka bërë të ditur se Thirrja Publike për Subvencionim të Efiçiencës së Energjisë për qytetarët, e hapur me datën 06.10.2022, dje është mbyllur përkohësisht për aplikim pasi që numri i aplikimeve ka shteruar buxhetin e paraparë për këtë thirrje.

Ky kalkulim është bërë duke u bazuar në kriterin që secili subvencion do të jetë me çmimin maksimal të lejuar.

Ndërkaq, nga Ministria e Ekonomisë kanë bërë të ditur se thirrja do të rihapet me mjetet e mbetura pasi të shqyrtohen aplikimet e para nga Komisioni Vlerësues për shqyrtimin e aplikacioneve për subvencionim.

Në kuadër të Thirrjes Publike për subvencionim të Efiçiencës së Energjisë për qytetarët kanë njoftuar se numri total i aplikuesve për fazën e parë është:

Numri total i aplikuesve 5992

– Pompë Termike 1313 aplikues,
– Inverter 2656 aplikues,
– Kalda me Biomasë 816 aplikues,
– Stufa me biomasë 1207 aplikues.

Numri i aplikuesve të cilët janë në kategorinë e mbështetjes së skemës të asistencës social është 275.

Po ashtu, nga ME kanë theksuar se deri më tani numri total i aplikuesve për fazën e dytë është 218.

Ndërsa shifra e arritur nga aplikimet është 6,000,020.00 euro.