Shkarkohet drejtori i Policisë, Rashit Qalaj

Rashit Qalaj është shkarkuar sot nga pozita e drejtorit të Përgjithshëm të Policisë së Kosovës.

“Në përputhje me kompetencat ligjore dhe bazuar në raportin e performancës për drejtorin e Policisë së Kosovës, sot Kryeministri i Republikës së Kosovës z. Avdullah Hoti ka liruar nga detyra z. Rashit Qalaj, nga pozita e Drejtorit të Përgjithshëm të Policisë së Kosovës” thuhet në komunikatën për media.

Në përputhje me Ligjin për Policinë, Kryeministri Hoti ka emëruar Samedin Mehmeti, ushtrues detyre i Drejtorit të Përgjithshëm të Policisë së Kosovës.

© SuharekaOnline. Të gjitha të drejtat janë të rezervuara.