Pas rritjes së pensioneve në 100 euro, Kurti ka një tjetër njoftim për pensionistët

Kryeministri Albin Kurti ka shkruar për rritjen e pensioneve me vendimin që u miratua dje në mbledhjen e Qeverisë.

13.01.2022 / Lajme

Pas rritjes së pensioneve në 100 euro, Kurti ka një tjetër njoftim për pensionistët
Foto: Ilustrim

Kurti ka shkruar se pensioni bazik, pensioni familjar dhe ai invalidor i punës janë rritur për 11%, ndërsa pensioni i aftësisë së kufizuar për 33%.

“Me vendimin e djeshëm të Qeverisë janë rritur pensionet ashtu që të mos kemi asnjë të tillë nën 100 euro. Kësisoj, pensioni bazik, pensioni familjar dhe ai invalidor i punës janë rritur për 11%, kurse pensioni i aftësisë së kufizuar për 33%. E dimë që jemi larg mirëqenies por duam që me rritjen aktuale ekonomike të ndihmojmë shtresat sociale që kanë më së shumti nevojë”, shkroi ai.


Kryeministri tha se këtë vit Qeveria planifikon ta fillojë një reformë të sistemit pensional, por nuk dha detaje.

“Këtë vit planifikojmë të fillojmë edhe reformën e sistemit pensional, që të sigurojmë sistem të drejtë dhe pension të dinjitetshëm për secilin pensionist që ka dhënë kontribut për vendin tonë”, shkroi Kurti.

Kujtojmë se, Qeveria e Kosovës dje mori vendim që pensionet t’i rrisë në 100 euro, ku ministri i Financave, Punës dhe Transfereve, Hekuran Murati njoftoi se krahas kësaj, pensionet nuk do të jepen më në javën e fundit të muajit.

Që nga ky muaj, sipas Ekzekutivit, pensionet do të jepen më së largu me datën 17 të muajit.

Pse të shkojmë tek mjeku kur ndihemi mirë?!

Mjekët këshillojnë kontrolle të vazhdueshme mjekësore çdo 6 muaj apo 1 vit në çfarëdo moshe të jeni, mirëpo pas kalimit...

Lexo më shumë
KOMENTE0

Leave a Reply

Your email address will not be published. Required fields are marked *