Nxënësit e SHFMU “Ramë Bllaca” vizitojnë Bali Muharremaj, kjo është kërkesa e tyre

09.11.2022

Kryetarit të Komunës së Suharekës, Bali Muharremaj shumë shpeshë ia hapin derën për vizita njerëz me pozita të ndryshme politike, figura publike e qytetarë të Komunës së Suharekës. Gjatë ditës së mërkurë ishin nxënësit e shkollës “Ramë Bllaca” në Bllacë ata që ia hapën derën dhe e vizituan të parin e Suharekës, të cilit iu […]

Kryetarit të Komunës së Suharekës, Bali Muharremaj shumë shpeshë ia hapin derën për vizita njerëz me pozita të ndryshme politike, figura publike e qytetarë të Komunës së Suharekës.

Gjatë ditës së mërkurë ishin nxënësit e shkollës “Ramë Bllaca” në Bllacë ata që ia hapën derën dhe e vizituan të parin e Suharekës, të cilit iu mbush zyra plotë.

Të shoqëruar nga mësuesja e klasës e dorë për dorë me njëri-tjetrin zunë vende në zyren e Kryetarit të Komunës së Suharekës, Bali Muharremaj.

Nxënësit e klasës së IV-1, i kishin shkruar një letër Muharremajt e cila brenda saj mbante një kërkesë për të.

“I nderuari Kryetar i Komunës së Suharekës zotëri Bali Muharremaj.

Jemi nxënësit e klasës së IV-1 nga shkolla “Ramë Bllaca” në Bllacë.

Duam t’ju njoftojmë për një problem që na shqetëson ne si nxënës, prandaj kërkojmë ndërhyrjen tuaj për zgjidhjen e tij. Shkolla jonë ndodhet në qendrën e fshatit tonë. Por disa lagje të fshatit (Zekolli, Kyqyku, Fangu etj) janë largë shkollës. Për të ardhur në shkollë çdo herë duhet të na sjellin prindërit, ose duhet të udhëtojmë me autobus, ku duhet të paguajm. Poashtu autobusi na dërgon herët në shkolla. Në mungesë të transportit të organizuar prindërit i sjellin dhe i marrin fëmijët e tyre me makina, duke shkaktuar tollovi në rrugën para shkollës. E për fat të keq kjo ndodhë çdo ditë.

I nderuar kryetar a mund të bëni diçka për të na zgjidhur problemin?”

Kjo ishte një pjesë e letrës të cilën e kanë shkruar nxënësit e klasës së katërt të shkollës “Ramë Bllaca” në Bllacë e që nga kryetari po kërkojnë organizimin e transportit për t’i dërguar ata në shkollë.

Kryetari i Komunës së Suharekës ka thënë se kjo është një vizitë shumë e veçantë për të dhe se kërkesën e këtyre nxënësve po e cilëson të drejtë.