“Nuk është e drejtë të ndalen pagat për grevistët”

  • 02.09.2022
“Nuk është e drejtë të ndalen pagat për grevistët”

Për vendimin e Ministrit të Financave, Hekuran Murati, që punëtorët e sektorit publik të cilët janë në grevë, nuk e marrin pagën e plotë nga Qeveria e Kosovës, kanë reaguar edhe njohësit e çështjeve ligjore dhe ekspertë të arsimit.

Sipas tyre, ky vendim është i kundërligjshëm, ndërsa theksojnë se tani do të ballafaqohet me pasojat e Ligjit dhe do të duhej të shkarkohej prej kryeministrit Kurti.

Ndërkohë, dje Sindikata e Arsimit ka dorëzuar kallëzim penal në Prokurorinë Themelore në Prishtinë ndaj vendimit të ministrit Murati.


Punëtorët e sektorit publik që janë në grevë, nuk e marrin pagën e plotë nga Qeveria e Kosovës, vendim ky i marrë ditë më parë nga ministri i Financave, Hekuran Murati. Ai pat theksuar se për 5 ditë pune, punëtorët në grevë do të kenë rreth 90 euro minus në pagë për këtë muaj. Ndërkohë, njohësi i çështjeve të arsimit, Jonuz Salihaj, tha për Radio Kosovën se greva është e ligjshme dhe se me këtë vendim, ministri Murati është treguar i papërgjegjshëm, derisa theksoi se ai do të ballafaqohet me pasojat e Ligjit dhe do të duhej të shkarkohej nga kryeministri Kurti.

 “Ka treguar se praktikisht merr vendime të papërgjegjshme dhe do të ballafaqohet me pasojat e ligjit. Gjykata do të dalë në anën e sindikatës, sepse Ligji e thotë që greva është e patjetërsueshme. Për këtë vendim që e ka bërë ministri Murati, po të isha ne vendin e Albin Kurtit, do ta shkarkoja menjëherë nga detyra”, tha ai .

Njohësi i çështjeve ligjore, Ehat Miftaraj, tha për Radio Kosovën se në bazë të ligjeve në fuqi nuk është e drejtë që të ndalen pagat për ata punëtorë që janë në grevë.

 “Në bazë të Ligjit për Grevat, në bazë të ligjeve për bashkim sindikal, në bazë të asaj që e parasheh Kushtetuta e Kosovës dhe asaj çka ka promovuar Lëvizja Vetëvendosje në vazhdimësi, është e pakuptimtë dhe e pavend që të ndalen pagat e të gjithë atyre që janë pjesë e grevës”, tha ai.

Për vendimin e ministrit Murati, Sindikata e Arsimit ka njoftuar se dje është dorëzuar kallëzim penal në Prokurorinë Themelore në Prishtinë. Bashkimi i Sindikatave të Pavarura të Kosovës, ka thënë përmes një komunikate se ndërhyrja e Partnerit Social – Qeverisë në rrjedhën e grevës, është joligjore. “Është ligji ai që të punësuarit grevist ia jep këtë të drejtë, e cila nuk duhet të cenohet”, thuhet në njoftimin e BSPK-së. Kërkesa kryesore e sindikatave të këtyre punëtorëve, drejtuar Qeverisë së Kosovës, është ndarja e nga 100 eurove për punëtorët, derisa të hyjë në fuqi Ligji për Pagat.

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë