Një orë mësimore do të zgjatë 30 minuta

Zëvendësministri i Arsimit Xhavit Rexhaj ka bërë të ditur se një orë mësimore nga 45 minuta do të shkurtohet në 30 minuta dhe klasat do të ndahen në dysh.

Në “Debat Plus” të RTV Dukagjini Rexhaj ka folur lidhur me kopensimin e mësimdhënësve.

Një orë mësimore nga 45 minuta sa është do të shkurtohet në 30 minuta. Klasat do të ndahen në dysh. Puna e shtuar e mësimdhënësve po bëjmë çmos që të kompensohet. Sigurisht jo nëse iu shtohen dy orë por më shumë. Edhe për mësimdhënësit mbi 60 vjeç do të gjejmë zgjedhje ka thënë Rexhaj.

Zëvendësministri i Arsimit Xhavit Rexhaj ka thënë se shtyrja e mësimit nuk lidhet me presionin e SBASHK-ut.

Zëvendësministri i Arsimit ka thënë se për shtyrjen e mësimit është vendosur në 10 minutat e fundit të takimit që është mbajtur me prindërit e SBASHK-un.

“Vendimi ynë situatën nuk do ta përkeqësojë. Se a do ta bëjë më mirë nuk e dimë, thotë Xhavit Rexhaj.