Nga janari deri tani janë identifikuar mbi 2 mijë punëtorë të paregjistruar

Në adresën e Administratës Tatimore të Kosovës (ATK) vetëm 170 punëtorë kanë marrë guximin të denoncojnë të punëdhënësit të tyre për mosdeklarim të vendit të punës.

Nga janari deri tani janë identifikuar mbi 2 mijë punëtorë të paregjistruar

Ndërkaq nga muaji janar deri më tani janë identifikuar 2 mijë e 182 punëtorë të padeklaruar, që nuk kanë kontrata pune dhe nuk u paguhen kontributet pensionale.

Një gjë të tillë e kanë bërë të ditur zyrtarë të ATK-së, ku kanë theksuar se kanë pritur më shumë raportime nga ana e tyre për këto shkelje ligjore.


Administrata Tatimore e Kosovës ua ka krijuar mundësinë të gjithë punëtorëve, që nuk janë të deklaruar nga punëdhënësit e tyre tek ATK-ja, të verifikohen dhe ta denoncojnë punëdhënësin përmes një linku të publikuar në faqen e Administratës Tatimore të Kosovës.

Zëdhënësja e ATK-së, Valentina Bytyqi Sefa, në një bisedë për Radio Kosovën tha se është shumë i vogël numri i punëtorëve që kanë deklaruar apo denoncuar punëdhënësin e tyre për mosdeklarim.

“Nga fillimi kur e kemi lansuar këtë projekt e deri më tani kemi 171 punëtorë të cilët, pas verifikimit që kanë bërë, kanë denoncuar punëdhënësin e tyre. Prej dhjetorit deri më tani vërehet se numri nuk është i madh. Ne kemi pritur më tepër raportime, verifikime, mirëpo kemi një mosvetëdijesim të punëtorëve për benefitet dhe rëndësinë e deklarimit nga ana e punëdhënësit”, tha ajo.

Bytyqi Sefa theksoi se partneriteti me qytetarë nuk është duke munguar dhe falë raportimit të tyre, nga janari deri më tani janë identifikuar mbi 2 mijë punëtorë të paregjistruar që punojnë në të “zezën”.

“Partneriteti me qytetarët nuk është duke munguar, ata vazhdimisht flasin dhe nga ajo që shohin raportojnë se në “X” biznesin mund të ketë punëtorë të padeklaruar. Nga janari deri më tani kemi identifikuar 2 183 punëtorë të paregjistruar. Ne hasim në vështirësi në momentin kur ka dyshime për punëtorë të padeklaruar, sepse në momentin që inspektorët tanë zhvillojnë aktivitetin e tyre ata menjëherë kthehen në pozitën e blerësit në atë biznes”, shtoi ajo.

Për këtë ATK është duke zhvilluar aktivitete në mënyrë investigative sepse kjo, sipas Bytyqi Sefes, është në të mirën e punëtorit së pari, por edhe të buxhetit të shtetit. Veprimtaritë që kanë më së shumti punëtorë të padeklaruar janë: ndërtimtaria, gastronomia dhe shërbimet e mirëmbajtjes. Për punëtorë që nuk kanë rrjete sociale, ATK në vazhdim do të bëjë fushata sensibilizuese, ku do të dërgojë edhe mesazhe telefonike në mënyrë që t’i detyrojnë punëdhënësit që me punëtorët të lidhin kontrata pune ligjore.

KOMENTE0

Leave a Reply

Your email address will not be published. Required fields are marked *

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë