Në muajin shkurt 15.2% më shumë fluturime se në periudhën e njëjtë të vitit të kaluar

Agjencia e Statistikave të Kosovës (ASK) ka publikuar statistikat e transportit dhe telekomunikimit për muajin shkurt 2023 me të dhëna mbi transportin ajror, hekurudhor, rrugor dhe telekomunikimin.

Në muajin shkurt 2023, numri i fluturimeve të realizuara ishte 598, ose 15.2% më shumë së në periudhën e njëjtë të vitit të kaluar, ndërsa numri i udhëtareve në total ishte 193 000, ose 23.5% më shumë së në periudhën e njëjtë të vitit të kaluar.

Ndërsa, numri i udhëtarëve që kanë shfrytëzuar trenin si mjet udhëtimi ishte 5 690, ose 35.5% më shumë sesa në periudhën e njëjtë të vitit të kaluar, derisa sasia e mallrave të transportuara me tren, në neto ton, ishte 0.

“Numri i përdoruesve te rrjetit telefonik fiks ishte 68 194, ose 10.0% më pak së në periudhën e njëjtë të vitit të kaluar, ndërsa trafiku i realizuar (në minuta) ishte 2 712 663, ose 4.1% më shumë së në periudhën e njëjtë të vitit të kaluar”, thuhet në raport.