Nagavci “zbulon” kërkesën e SBASHK-ut për të ndalë grevën

Ministrja e Arsimit, Arbërie Nagavci u ka bërë sërish thirrje mësimdhënësve që të fillojnë procesin mësimor.

Ministrja Nagavci derisa ka bërë thirrje për fillim të mësimit, ka vazhduar të fajësojë Sindikatën e Bashkuar të Arsimit (SBASHK) për gjendjen aktuale në arsim.

Ajo e ka cilësuar si shantazh grevën e mësimdhënësve, derisa ka zbuluar edhe kërkesën e përfaqësuesve të sindikatës për të ndërprerë grevën.

Sipas saj, SBASHK;u u ka thënë se nuk fillon mësimi “para se të plotësoni kërkesën tonë për 100 euro ose për shumën që merremi vesh”.

“Çdo ditë jashtë klasave, ju bën me vetëdije ose jo, pjesë të agjendave  të grupeve të interesit që asnjë interes të përbashkët me ju a me arsimin si fushë nuk e kanë. Përkundrazi, kanë kontribuar në gjendjen që e kemi të gjithë. Mësimi është mbi të gjitha.

Greva ka kuptim kur nuk dëmton nxënësit dhe procesin mësimor. Në situatën aktuale më shumë është shantazh, e përballë shantazhit nuk ka rrugë tjetër veçse të qëndrojmë për vlerat antishantazh”, ka shkruar Nagavci.