Miratohet zbritja prej 100 eurosh në faturën e tatimit në pronë
Kuvendi i Kosovës ka miratuar të enjten në lexim të dytë plotësimin dhe ndryshimin e Ligjit për pronën e paluajtshme. Sipas Ministrisë së Financave, ligji i ri për tatimin në pronën e paluajtshme parasheh mundësinë për të përfituar nga zbritja e faturave të vitit 2023 deri në 100 euro. “Ligji gjithashtu parasheh lirime tatimore për […]
Foto: Ilustrim
Kuvendi i Kosovës ka miratuar të enjten në lexim të dytë plotësimin dhe ndryshimin e Ligjit për pronën e paluajtshme.
Sipas Ministrisë së Financave, ligji i ri për tatimin në pronën e paluajtshme parasheh mundësinë për të përfituar nga zbritja e faturave të vitit 2023 deri në 100 euro.
“Ligji gjithashtu parasheh lirime tatimore për banimin primar dhe tokën bujqësore; kufizim të përllogaritjes së interesit që të mos tejkalojë vlerën e detyrimit tatimor; zbritje të shkallës së poshtme tatimore për vitin 2024 dhe fillimin e aplikimit të tatimit progresiv nga viti 2025”, thuhet në njoftim.
