Ministria e Financave e hap thirrjen për punë praktike me pagesë
Ministria e Financave, Punës dhe Transfereve hap programin “Praktikë në qeveri” për punë praktike me pagesë për 6 muaj në institucionet e nivelit qendror.
Foto: Ilustrim
Sipas njoftimit të drejtë aplikimi kanë të rinjtë: deri në moshën 29 vjeçare; në vitin e fundit të studimeve apo të diplomuar në Bachelor apo Master (drejtimet e specifikuara në shpallje); me notë mesatare në studime mbi 8.0.
Aplikacioni duhet të përmbajë: Titulli në email (subject line) që specifikon institucionin ku aplikoni për praktikë në punë;
Dëshminë mbi notën mesatare apo diplomën; Kopjen e letërnjoftimit. Aplikacionet dërgohen në email sipas listës së bashkëngjitur në thirrje.
Afati i fundit për aplikim: 4 gusht 2024. Për informata më të detajuara vizito vegëzën në vijim: https://mfpt.rks-gov.net/Page/57
