Mërgimtarët po hyjnë në Kosovë pa pritje të gjata në vendkalimet kufitare
Rrugët e Kosovës janë mbushur ditëve të fundit me automjete me targa të huaja, si pasojë e ardhjes së mërgimtarëve për festat e fundvitit. Qindra familje nga vendet e ndryshme të Evropës po kthehen në vendlindje për t’i kaluar festat pranë më të dashurve të tyre.
Sipas njoftimeve nga Ministria e Punëve të Brendshme (MPB), ardhja e mërgimtarëve në Kosovë po vazhdon dhe ende po vërehet fluks në disa pika kufitare të vendit.
Në përditësimin e fundit të MPB-së, bëhet e ditur se pritjet më të mëdha për hyrje në Kosovë janë regjistruar në vendkalimin kufitar Merdare dhe te Dheu i Bardhë, ku koha e pritjes për hyrje sillet rreth 10 deri në 15 minuta. Ndërkohë, në pikat e tjera kufitare nuk ka kolona dhe pritjet nuk zgjasin më shumë se 3 deri në 5 minuta.
FLUKSI NË PIKAT E KALIMIT KUFITAR
| Pikat e kalimit kufitar | Automjete | Kamionë | ||||||
|---|---|---|---|---|---|---|---|---|
| Hyrje (min) | Dalje (min) | Kolona (m) Hyrje | Kolona (m) Dalje | Hyrje (min) | Dalje (min) | Kolona (m) Hyrje | Kolona (m) Dalje | |
| Bërnjak | 03-05 | 03-05 | 0 | 0 | 03-05 | 03-05 | 0 | 0 |
| Dheu i Bardhë | 10-15 | 05 | 0 | 0 | 03-05 | 03-05 | 0 | 0 |
| Glloboqicë | 05 | 05 | 0 | 0 | 03-05 | 03-05 | 0 | 0 |
| Hani i Elezit | 05 | 05 | 0 | 0 | 03-05 | 03-05 | 0 | 0 |
| Jarinje | 03-05 | 03-05 | 0 | 0 | 03-05 | 03-05 | 0 | 0 |
| Kullë | 03-05 | 03-05 | 0 | 0 | 03-05 | 03-05 | 0 | 0 |
| Merdarë | 10-15 | 03-05 | 0 | 0 | 03-05 | 03-05 | 0 | 0 |
| Muçibabë | 05 | 05 | 0 | 0 | 03-05 | 03-05 | 0 | 0 |
| Mutivodë | 03-05 | 03-05 | 0 | 0 | 03-05 | 03-05 | 0 | 0 |
| Qafë e Morinës | 03-05 | 03-05 | 0 | 0 | 03-05 | 03-05 | 0 | 0 |
| Qafë e Prushit | 03-05 | 03-05 | 0 | 0 | 03-05 | 03-05 | 0 | 0 |
| Stançiq | 05 | 05 | 0 | 0 | 03-05 | 03-05 | 0 | 0 |
| Vërmicë | 03-05 | 03-05 | 0 | 0 | 03-05 | 03-05 | 0 | 0 |
Autoritetet bëjnë thirrje për qarkullim të kujdesshëm dhe respektim të rregullave të komunikacionit, për shkak të rritjes së numrit të automjeteve në rrugë.
Ndërkohë, me ardhjen e mërgimtarëve në vend është krijuar një atmosferë festive e jashtëzakonshme, e cila ndihet në qytete dhe fshatra anembanë Kosovës, duke i dhënë gjallëri dhe ngrohtësi këtyre ditëve të fundvitit.