Agjencia e Statistikës së Kosovës (ASK) publikon Buletinin Tremujor për tremujorin e katërt (TM4) 2022, ku janë përfshirë gjithashtu edhe TM1, TM2 dhe TM3.

Buletini tremujor (TM4 2022) është ndër botimet më të veçanta dhe gjithëpërfshirëse të Agjencisë së Statistikave të Kosovës. Në këtë publikim përmblidhen shumë të dhëna të rëndësishme statistikore, në seri të ndryshme kohore, që kanë të bëjnë me Kosovën.

Në këto të dhëna, ndër tjerash janë të publikuara edhe statistikat mbi lindjet e regjistruara në Kosovë gjatë vitit 2022.

Duke analizuar statistikat e ASK-së figuron se gjatë tre mujorit të fundit të vitit 2022, (tetor, nëntor dhe dhjetor) në Kosovë janë regjistruar 6.480 foshnje të cilat kanë lindur të gjalla, prej tyre 3.201 janë të gjinisë mashkullore dhe 3.279 janë të gjinisë femërore.

Në statistikat që ka siguruar SuharekaOnline poashtu përfshihet numri i lindjeve edhe përgjat muajve të tjerë ku edhe është njoftuar se gjatë 12 muajve të vitit 2022 në Kosovë janë regjistruar 26.118 lindje të foshnjeve të gjalla, prej tyre 13.317 të gjinisë mashkullore dhe 12.801 femërore.

E veçanta sa u përketë lindjeve, sipas Agjencisë së Statistikave të Kosovës është se asnjë foshnje nuk ka lindur e vdekur gjatë vitit 2022.

Rikujtojmë se numri i lindjeve të regjistruara në Kosovë gjatë vitit paraprak, krahasuar me 2021, ku ishin lindur 28.549, ka shënuar rënie.

Muaji/viti	Meshkuj	Femra	Totali	Lindje të vdekura
Janar/2022	1.034	1.073	2.107	0
Shkurt/2022	991	899	1.890	0
Mars/2022	1.012	986	1.998	0
Prill/2022	1.022	1.021	2.043	0
Maj/2022	1.201	1.071	2.272	0
Qershor/2022	1.111	1.046	2.157	0
Korrik/2022	1.303	1.195	2.498	0
Gusht/2022	1.194	1.089	2.283	0
Shtator/2022	1.248	1.142	2.390	0
Tetor/2022	1.067	1.070	2.137	0
Nëntor/2022	1.067	1.116	2.183	0
Dhjetor/2022	1.067	1.093	2.160	0
TOTALI:	26.118	13.317	12.801	0

Nga tabela, rezulton se gjatë vitit 2022 në Kosovë kanë lindur më shumë meshkuj se sa femra.

Duke analizuar statistikat të cilat janë paraqitur në tabelë, rezulton se në muajin korrik (2.498) të vitit paraprak është regjistruar numri më i madh i lindjeve, krahasuar me muajt e tjerë të po të njëjtit vit.

Gazetare, Eurolinda Zenelaj