Mbi 19 mijë qytetarë të Kosovës kanë marrë dozën e tretë dhe përforcuese të vaksinës anti-COVID

Mbi 17 mijë persona në Kosovë kanë marrë tashmë edhe dozën përforcuese të vaksinës anti-COVID-1 në Kosovë, ndërkaq së bashku me mbi 2 mijë të tjerë që kanë marrë dozën e tretë, ky numër shkon në mbi 19 mijë e 500 doza.

07.01.2022 / Lajme

Mbi 19 mijë qytetarë të Kosovës kanë marrë dozën e tretë dhe përforcuese të vaksinës anti-COVID
Foto: Ilustrim

Sipas të dhënave të publikuara nga Ministria e Shëndetësisë, vetëm për ditën e sotme janë administruar rreth 2 mijë 800 doza të vaksinës anti-COVID.

Ndërkaq, numri i rasteve të reja me coronavirus po shkon duke u rritur.


Kryeministri Albin Kurti dhe ministri i Shëndetësisë Rifat Latifi, gjatë vizitës në qendrën e vaksinimit në Fushë Kosovë, dy ditë më parë, u bënë thirrje qytetarëve për të marrë dy dozat e para të vaksinës pa vonesë.

Ndërsa, qytetarëve që i kanë marrë dy dozat e para, u bënë thirrje që të marrin doza përforcuese posa të kalojnë 3 muaj nga marrja e dozës së dytë.

Në raportimin e fundit, bazuar në të dhënat e MSH-së, në Kosovë janë 997 raste aktive me coronavirus.

Vetëm gjatë 24 orëve të fundit 144 raste të reja me COVID-19 janë konfirmuar në Kosovë.

Themele të sigurta të së ardhmes, N.T.P.SH “HALITI”, gjiganti i ndërtimit në Suharekë

Të investosh në të ardhmen është gjëja më e duhur që çdo person do duhej ta ketë parasysh në secilin...

Lexo më shumë
KOMENTE0

Leave a Reply

Your email address will not be published. Required fields are marked *