Kur hyjnë masat e reja në fuqi, tregon zëdhënësi i Qeverisë

Qeveria e Republikës së Kosovës, në formë elektronike sot ka mbajtur mbledhjen e 41-të të saj.

23.10.2021 / Lajme

Kur hyjnë masat e reja në fuqi, tregon zëdhënësi i Qeverisë
Foto: Ilustrim

Në këtë mbledhje u miratua vendimi i ri për masat e përgjithshme dhe të veçanta për kontrollin, parandalimin dhe luftimin e pandemisë COVID-19 si dhe kërkesa e Ministrisë së Financave, Punës dhe Transfereve për kursime dhe ndarje buxhetore në kategoritë e shpenzimeve të organizatave buxhetore për vitin 2021.

Në bazë të rekomandimeve të dhëna nga Instituti Kombëtar i Shëndetësisë Publike të Kosovës, ministritë e linjës, palët e interesit dhe ekspertët përkatës u miratua vendimi i ri për masat e përgjithshme dhe të veçanta për kontrollin, parandalimin dhe luftimin e pandemisë COVID-19.


Sipas njoftimit të Qeverisë, maska do ë vazhdojë që të jetë obligative për qytetarët e vendit. Ndërkohë ndryshime ka pasur në orarin e lëvizjes së qytetarëve.

Kufizimi i qarkullimit të qytetarëve vazhdon të jetë nga ora 00:00 deri në ora 05:00.

As pas kësaj mbledhje Qeveria vazhdon që të ndalojë veprimtarinë e klubeve të natës si dhe organizimi i festivaleve, koncerteve, ekskursioneve, pelegrinazheve, dasmave, fejesave, ahengjeve familjare dhe shoqërore,  në të gjithë territorin e Republikës së Kosovës.

Sipas masave të reja, shërbimet e gastronomisë do të lejohen deri në ora 23:00, ndërkaq muzika në këto ambiente deri në ora 21:30.

“Shërbimet e gastronomisë lejohet të zhvillojnë aktivitetin e tyre nga ora 05:00 deri në orën 23:00. Muzika lejohet vetëm deri në orën 21:30”, thuhet në vendimin e qeverisë për masat e reja.

Masat e reja kundër virusit Covid-19, që janë miratuar nga Qeveria e Kosovës do të hyjnë në fuqi nga sot

Këtë e ka konfirmuar për GazetënExpress, zëdhënësi i Qeverisë së Kosovës, Përparim Kryeziu.

“Nga sot”, tha shkurt ai për gazetën, kur u pyet se kur do të hyjnë në fuqi këto masa.

Deri kur duhet të duroni dhimbjet e shpinës dhe qafës? Këto janë simptomat, shkaqet dhe trajtimi

Në të shumtën e rasteve dhimbjet e shpinës dhe qafës, mund të parandalohen dhe të mbahen nën kontroll nëse trupi...

Lexo më shumë
KOMENTE0

Leave a Reply

Your email address will not be published. Required fields are marked *