Kosovarët fluturojnë më shumë se kurrë: Liberalizimi i vizave nxit udhëtimet

Sipas të dhënave të fundit të Agjencisë së Statistikave të Kosovës (ASK), numri i fluturimeve dhe i udhëtarëve nga Kosova ka shënuar një rritje të ndjeshme në muajin shtator të këtij viti.

Në krahasim me të njëjtën periudhë të vitit 2023, në shtator 2024 janë realizuar 1115 fluturime, që përfaqëson një rritje prej 12.6%. Edhe numri i udhëtarëve ka pësuar një rritje të konsiderueshme, duke arritur në 344 294, ose me 13.1% më shumë krahasuar me shtatorin e vitit të kaluar.

Këto shifra të larta dëshmojnë se qytetarët e Kosovës po shfrytëzojnë në maksimum mundësinë e udhëtimit të lirë në zonën Schengen.

Liberalizimi i vizave ka hapur dyer të reja për shumë kosovarë, duke u mundësuar atyre të vizitojnë familjarë e miq, të udhëtojnë për pushime, të studiojnë apo të punojnë në vendet e BE-së.