Kosova publikon formacionin për miqësoren ndaj Çekisë

31.05.2026

Përfaqësuesja e Kosovës do të zbresë sot në fushë për ndeshjen miqësore kundër Çekisë, e cila zhvillohet në stadiumin “Epet Arena” në Pragë, me fillim nga ora 16:00.

Përzgjedhësi i “Dardanëve” ka publikuar formacionin zyrtar për këtë përballje, ku Kosova paraqitet me disa mungesa të rëndësishme, përfshirë Vedat Muriqin, Amir Rrahmanin dhe Edon Zhegrovën.

Kjo do të jetë ndeshja e tretë në histori mes Kosovës dhe Çekisë, ndërsa stafi teknik do ta shfrytëzojë këtë takim për të testuar lojtarët dhe për të vlerësuar formën e ekipit para sfidave të ardhshme.

Tifozët kosovarë presin një paraqitje pozitive nga “Dardanët”, pavarësisht mungesave të shumta në skuadër.