Kërkesa e Ministrit të Shëndetësisë për mërgimtarët, paralajmëron edhe mbyllje

Ministri i Shëndetësisë, Rifat Latifi, ka theksuar edhe një herë se Qeveria e Kosovës ka bërë të gjitha përgatitjet e nevojshme që vaksinimi kundër COVID-19 të jetë sa më masiv dhe se sistemi shëndetësor të jetë i gatshëm për çdo krizë që mund të ketë.

25.12.2021 / Lajme

Kërkesa e Ministrit të Shëndetësisë për mërgimtarët, paralajmëron edhe mbyllje
Foto: Ilustrim

Po ashtu, ministri Latifi ka theksuar se në vendin tonë deri më tani kanë vdekur tre mijë persona nga COVID-19, prandaj marrja e masave kundër këtij virusi është i rëndësishëm.

“Nëse Qeveria ka bërë diçka të mirë kohëve të fundit është ka qenë vaksinimi dhe përgatitja e sistemit shëndetësor për t’u ballafaquar me çfarëdo krize që kemi. Ne tash e kemi një situatë epidemiologjik të jashtëzakonshëm por kjo nuk është shkas që ne të mos vaksinohemi”.


“Na duhet të vaksinohemi dhe duhet t’i ruajmë masat në mënyrë që ta zvogëlojmë shansin e Covidit që të na vdesin pacientët tanë. Gati tre mijë vetë na kanë vdekur dhe nuk duhet të kemi më shumë vdekje”, tha Latifi.

Sipas tij, e vetmja mundësi për mbrojtje kundër Covidit është vaksinimi me dozën e tretë e përforcuese.

Madje ai thotë se të vaksinuar dhe pa Covid-19 mërgimtarët duhet të vijnë në Kosovë, raporton EO.

“Dhurata më e mirë që na sjellin diaspora është të vijnë shëndoshë, me qenë shëndoshë këtu dhe të kthehen mbrapa shëndoshë. Këtë e bëjnë vetëm nëse janë të vaksinuar dhe nëse respektohen masat. Vlerësimin a do të ketë mbyllje a nuk do të ketë mbyllje e bëjmë çdo ditë. Varet nga rastet i marrim edhe masat përkatëse”.

Mes tjerash, ai shtoi se nëse qytetarët janë të pakujdesshëm dhe nuk vaksinohen atëherë ekziston rreziku që të mbyllet vendi.

“Nëse secili prej nesh është i pakujdesshëm dhe nuk vaksinohemi natyrisht se jemi në rrezik të mbyllemi. Qëllimi nuk është të mbyllim ekonominë dhe shkollat, por duhet të mësohemi të jetojmë me Covidin sikurse që jemi mësuar të jetojmë edhe me gripin

. Unë nuk di kur do të përfundojë pandemia në Kosovë. Ne të vetmen mënyrë që kemi për mbrojtje kundër Covidit është vaksinimi edhe dozën e tretë e përforcuese. Mbi moshat 18 vjeçare është arritur të vaksinohet 60% e popullatës”.

Themele të sigurta të së ardhmes, N.T.P.SH “HALITI”, gjiganti i ndërtimit në Suharekë

Të investosh në të ardhmen është gjëja më e duhur që çdo person do duhej ta ketë parasysh në secilin...

Lexo më shumë
KOMENTE0

Leave a Reply

Your email address will not be published. Required fields are marked *