Haziri i bindur për koalicion: Po angazhohemi që VV-ja ta udhëheq Qeverinë, ne Kuvendin

Nënkryetari i Lidhjes Demokratike të Kosovës (LDK), Lutfi Haziri ka deklaruar se janë duke i vazhduar përpjekjet për arritjen e koalicionit qeverisës me Lëvizjen Vetëvendosje (LVV).

Lutfi Haziri ka shtuar se të hënë janë gjasat e mëdha që të ketë Qeveri të re.

Sipas tij, Lëvizja Vetëvendosje duhet ta udhëheqë Qeverinë, ndërsa Lidhja Demokratike e Kosovës duhet ta udhëheqë Kuvendin.

Ndërsa për ndonjë takim mes LVV-së dhe LDK-së, Haziri tha se nuk ka ende asgjë zyrtare.

“Kemi nevojë ende për diskutime, duhet të respektohet vullneti i qetarëve të 6 tetorit dhe se takimet nuk janë ndërprerë asnjëherë. Takim të caktuar nuk ka, kur të konfirmohet ju njoftojmë”.

“Deri të hënën duhet të presim duhet të kemi edhe pak durim se po angazhohemi”.