Harta e raundit të dytë të zgjedhjeve lokale, të drejtë vote kanë 1,260,571 qytetarë

Zëdhënësi Elezi ka theksuar se procesi i votimit do të mbahen në 66 për qind (%) të vendvotimeve.

“Kjo është harta e raundit të dytë të Zgjedhjeve për Kryetarë të 21 Komunave, që do të mbahet këtë të diele, më 14 nëntor 2021. Harta tregon se nga aspekti organizativ procesi i votimit do të mbahet në 66% të vendvotimeve apo në 1,638 nga 2,477.

Numri i qytetarëve me të drejtë vote në raundin e dytë, e që u takojnë këtyre 21 komunave, është 1,260,571”, ka shkruar Elezi në një postim në Facebook.

Po ashtu, ai ka thënë se numri i votuesve të certifikuar në raundin e parë për zgjedhjet lokale në 38 komuna ka qenë 1,885,448 votues.

Raundi i dytë i zgjedhjeve do të mbahet në 21 komuna, kurse fushata zgjedhore ka nisur ditën e hënë.