Gjendet i vdekur një burrë në Prizren, dyshohet për vetëvrasje

Një ngjarje e rëndë ka ndodhur sot në Prizren, ku një 60-vjeçar u gjet i vdekur dhe po dyshohet se ka bërë vetëvrasje. Lajmin tashmë e ka konfirmuar edhe Policia ajonale në Prizren, me ç’rast janë zbuluar detaje të reja.

Viktima u gjet pa shenja jete në shtëpinë e tij, në fshatin Manastirica, ku dyshohet se vendosi t’i jap fund jetës duke u varur.

“Me datë 11.01.2024, rreth orës 15:20 nëpërmes telefonit është raportuar për një rast tē dyshuar për vetëvrasje. Policia ka shkuar në vendngjarje në fshatin Manastirc, Prizren dhe dyshimet e para janë se viktima F.K. ,mashkull, 60 vjeç ka kryer vetëvrasje .

Policia në vendngjarje, në shtëpinë e tij ka hasur një trup të pajetë të shtrirë në dysheme dhe një kabllo të varur.

Është njoftuar prokurori kujdestar dhe të gjitha njësit dhe zyrtarët përgjegjës kanë dal në vendngjarje dhe janë duke u marr me rastin.” – thuhet në përgjigjen e Policisë.

Me urdhër të Prokurorit të Shtetit, trupi i pajetë është dërguar në Institutin e Mjekësisë Ligjore për obduksion dhe ka urdhëruar nisjen e hetimeve.