Fillon faza e dytë e vaksinimit në Kosovë për profesionistët shëndetësorë

Në sallën “1 Tetori” në Prishtinë ka filluar vaksinimi i profesionistëve shëndetësorë me dozën e dytë të vaksinës AstraZenenca, njofton menaxheri i kësaj qendre të vaksinimit në Prishtinë, Niman Bardhi.

“Tashmë procesi i vaksinimit me dozë të dytë për profesionistët shëndetësor ka nisur”, tha ai.

Vaksinimi i profesionistëve shëndetësor që sot po imunizohen edhe me dozën e dytë të vaksinës, më 29 mars 2021 kishin marrë dozën e parë dozën e parë.

Ndërsa, aktualisht në Kosovë është duke vazhduar imunizimi i qytetarëve mbi moshën 65 vjeçare. Ndërsa, javën që shkoi Kosova ka nënshkruar marrëveshje me kompaninë prodhuese Pfizer për blerjen e 1.2 milionë dozave të vaksinave anti-COVID.

Kosova aktualisht është duke vazhduar të vaksinoj qytetarët me dozat donacione të dhuruara nga COVAX dhe BE-ja për imunizim.

Ministri i Shëndetësisë, Arben Vitia ka paralajmëruar që nga 15 qershori do të nis vaksinimi masiv i qytetarëve të Kosovës.