ASK: Bie numri i bizneseve të reja në Kosovë, në maj u regjistruan 1.108 ndërmarrje

01.07.2026

Numri i ndërmarrjeve të reja të regjistruara në Kosovë ka shënuar rënie gjatë muajit maj 2026, sipas të dhënave të publikuara nga Agjencia e Statistikave të Kosovës.

Gjatë këtij muaji janë regjistruar gjithsej 1.108 biznese të reja, ose 1.4 për qind më pak krahasuar me prillin dhe 16.9 për qind më pak në raport me majin e vitit 2025.

Sektori i tregtisë me shumicë dhe pakicë, përfshirë riparimin e automjeteve dhe motoçikletave, mbetet më tërheqësi për hapjen e bizneseve të reja me 278 ndërmarrje, i ndjekur nga akomodimi dhe shërbimet e ushqimit, ndërtimtaria dhe prodhimi.

Sipas ASK-së, pothuajse të gjitha bizneset e regjistruara janë mikrondërmarrje me deri në nëntë të punësuar, ndërsa nuk është regjistruar asnjë ndërmarrje e mesme apo e madhe.

Për nga shpërndarja gjeografike, rajoni i Prishtinës prin me 523 ndërmarrje të reja, pasuar nga Prizreni, Ferizaj, Mitrovica, Gjilani, Gjakova dhe Peja.