Ambasada e SHBA-ve: Të zvogëlohen tensionet, veprimet mund të kenë pasoja të padëshiruara

Kryeministri i Kosovës, Albin Kurti së bashku me ushtruesin e detyrës së ambasadorit të SHBA-ve në Kosovës, Nicholas J. Giacobbe kanë zhvilluar një takim.

23.09.2021 / Lajme

Ambasada e SHBA-ve: Të zvogëlohen tensionet, veprimet mund të kenë pasoja të padëshiruara
Foto: Ilustrim

Përmes një postimi në Twitter, Giacobbe ka shkruar se takimi me kryeministrin Kurti ishte një takim i mbarë mbi rëndësinë dhe riangazhimin në dialogun e lehtësuar nga Bashkimi Evropian (BE).

Po ashtu, ai ka shkruar se nevojiten hapa të menjëhershëm për të zvogëluar tensionet, pasi që sipas tij veprimet mund të kenë pasoja të padëshiruara.


“Takim i mbarë me Kryeministrin Alin Kurt, mbi rëndësinë dhe riangazhimin në dialogun e lehtësuar nga BE për zgjidhjen e targave dhe çështje të tjera. Nevojiten hapa të menjëhershëm për të zvogëluar tensionet. Veprimet mund të kenë pasoja të padëshiruara që ndikojnë negativisht në jetën e përditshme të qytetarëve”, ka shkruar ambasadori Giacobbe në Twitter.

Kujtojmë se që nga dita e vendosjes së masave të reciprocitetet për targa me Serbinë, në pikat kufitare Jarinje dhe Bërnjak situata është duke u vazhduar të jetë nën kontroll të Policisë së Kosovës.

Qytetarët serb që jetojnë në veri të Republikës së Kosovës që nga dita e hënë si shenjë proteste kanë bllokuar rrugët në këto dy pikë kalime kufitare duke vendosur automjete të rënda në rrugë.

KOMENTE0

Lini një Përgjigje

Adresa juaj email s’do të bëhet publike. Fushat e domosdoshme janë shënuar me një *