AAK kërkon dorëheqjen e Kurtit: Dëshiron revolta

  • 08.10.2022
AAK kërkon dorëheqjen e Kurtit: Dëshiron revolta

Nënkryetari i Aleancës për Ardhmërinë e Kosovës (AAK), Pal Lekaj, ka kërkuar dorëheqjen kryeministrit Albin Kurti.

Ai thotë se Lëvizja Vetëvendosje është më mirë të heqë dorë nga pushteti se sa të provokojë qytetarët sikurse në rastin me vonesat në procedimin e pagave për mësimdhënësit.

Me këtë formë qeverisje, Lekaj theksoi se Qeveria e Kosovës po dëshiron revolta dhe protesta ndaj tyre.


Lekaj i cili është edhe deputet i AAK-së në Kuvendin e Kosovës, shprehet i shqetësuar edhe me vonesën e zbatimit të udhërrëfyesit për energjinë në veri.

“Ne kemi hyrë në një krizë ekonomike në rritje të çmimeve enorme. Para disa ditëve u miratua vendimi për shpalljen të emergjencës për energji dhe tani nuk ekzekutohen pagat e arsimtarëve. Me të vërtetë thua se kjo qeveri nuk ia dëshiron të mirën vendit, dëshiron revolta dhe protesta. Më mirë është që kjo qeveri të dorëhiqet se sa të provokojë qytetarët, në këtë rast arsimtarët që më të vërtetë janë në gjendje jo të mirë”, thotë ai.

Insistimi i deridjeshëm i kreut qeveritar për t’i mos i paguar grevistët, Lekaj thotë se është një dobësi e tij dhe se këso vendime, sipas tij janë marrë vetëm në regjime ku dominon diktatura.

“Është një dobësi e Qeverisë së Kosovës, personalisht e kryeministrit me kokëfortësinë e tij, thua që tani ndryshon bota pse ata kanë hyrë në grevë, për të cilat ka qenë legjitime. Qeveria e Kosovës me këtë veprim dëshiroi të frustrojë arsimtarët dhe qytetarët që të kemi një revoltë. Këto kanë ndodhur vetëm në regjime ku ka dominuar kokëfortësia dhe diktatura”, shton Lekaj.

Duke folur për moszbatimin e udhërrëfyesit për marrëveshjen e energjisë në veri, Lekaj kërkon përfshirjen e Bashkimit Evropian për të ofruar një zgjidhje.

“Ju e dini se edhe në marrëveshjen që është bërë në Bruksel ka qenë një plan veprues, por deri më tani s’ka asnjë lëvizje, pasi ‘Elektrosever’ që ka marrë përgjegjësinë të licencohet në kushtet e Republikës së Kosovës, ai ka pretenduar se duhet me fusnotë dhe këtë drejtim s’ka asnjë veprim nga Qeveria dhe as nga Bashkimi Evropian. Këtë drejtim, mendoj se qeveria më tepër po bën llafe se po implementon marrëveshjen, pasi po vazhdon avazi i vjetër për pagesë”, deklaron Lekaj, transmeton KP.

Megjithatë, Lekaj thotë se Qeveria e Kosovës nuk duhet të rrijë duarkryq dhe të paguajë vetëm dëmet e humbjeve në energji.

Sipas tij deri në fundin e këtij viti fiskal Qeveria e Kosovës do të paguajë 110 milionë euro për mosdëgjueshmërinë e qytetarëve serbë për të paguar energjinë elektrike.

“Pala e Kosovës i ka kryer obligimet e veta, por nuk duhet të rrimë duarkryq dhe të paguajmë dëme që po shkaktohen humbje të mëdha buxhetit të Kosovës. Në fund të këtij viti fiskal bëhen diku 110 milionë që paguan Qeveria e Kosovës për mosdëgjueshmëri të qytetarëve që nuk paguajnë rrymën”, përfundon Lekaj.

Qeveria e Kosovës të premten pasdite ka ekzekutuar pagat për mësimdhënësit që ishin në grevë gjatë muajit shtator./KosovaPress/

N'minuta
Suharekë, rruga e lagjes “Fan Noli” vërshohet nga mbeturinat, ankohen qytetarët
Suharekë, rruga e lagjes “Fan Noli” vërshohet nga mbeturinat, ankohen qytetarët
[FOTO] Vetura përplaset me ujkun në autostradën Prizren-Suharekë
[FOTO] Vetura përplaset me ujkun në autostradën Prizren-Suharekë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Disa të rinj kapen në video duke dëmtuar ulëset në “Shtigjet e Ecjes”, Muharremaj kërkon intervenimin e policisë
Ganimete Hoxha nga fshati Budakovë ka nevojë për ndihmën tuaj
Ganimete Hoxha nga fshati Budakovë ka nevojë për ndihmën tuaj
Suharekë, zjarrfikësit vazhdojnë të përballen me zjarre malore
Suharekë, zjarrfikësit vazhdojnë të përballen me zjarre malore
Ambient i pastër, “betonizohet” rruga në Zonën Industriale
Ambient i pastër, “betonizohet” rruga në Zonën Industriale
Zjarr mbi fshatin Sallagrazhdë
Zjarr mbi fshatin Sallagrazhdë
Kapen me marihuanë, arrestohen 4 të rinj në Suharekë
Kapen me marihuanë, arrestohen 4 të rinj në Suharekë
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, raportohet për të lënduar
Aksident në autostradë në drejtimin Suharekë-Prizren, një person i lënduar rëndë
Aksident në autostradë në drejtimin Suharekë-Prizren, një person i lënduar rëndë