29% e bizneseve të regjistruara në gusht të këtij viti kanë pronare femra!
Të dhënat e fundit të publikuara nga Agjencia e Statistikave të Kosovës (ASK) për muajin Gusht 2025 tregojnë një rritje të vërejtshme në pjesëmarrjen e grave në biznes.
Foto: Ilustrim
Nga gjithsej 1,068 ndërmarrje të regjistruara në këtë muaj, 306 prej tyre janë regjistruar me pronare femra, që përfaqëson 28.7% të totalit.
Krahasuar me strukturën e përgjithshme, 67% e ndërmarrjeve janë regjistruar me pronarë meshkuj (716 ndërmarrje), ndërsa 4.3% (46 ndërmarrje) janë regjistruar si pronësi e përzier midis meshkujve dhe femrave.
Ky trend pozitiv tregon një angazhim gjithnjë e më të madh të grave në sektorin e sipërmarrjes dhe tregon se barrierat tradicionale gjinore në biznes po tejkalohen gradualisht.
Rritja e numrit të grave pronare të bizneseve është një sinjal inkurajues për zhvillimin ekonomik dhe fuqizimin e gruas në Kosovë.
