Itali, arrestohet 41-vjeçari nga Peqani i dyshuar për vrasjen e 27 vjeçares italiane

20.12.2023

Bujar Fandaj nga fshati Peqan, i cili u shpall në kërkim autor i dyshuar për vrasjen e 27-vjeçares shtatzënë Vanessa Ballan në provincën e Trevisos në Itali, është arrestuar në orët e vona të mbrëmjes, transmeton albinfo.ch. Fandaj i cili siç raportojnë mediat italiane, pak orë më parë kishte postuar në profilin e tij në […]

Itali, arrestohet 41-vjeçari nga Peqani i dyshuar për vrasjen e 27 vjeçares italiane Foto: Ilustrim

Bujar Fandaj nga fshati Peqan, i cili u shpall në kërkim autor i dyshuar për vrasjen e 27-vjeçares shtatzënë Vanessa Ballan në provincën e Trevisos në Itali, është arrestuar në orët e vona të mbrëmjes, transmeton albinfo.ch.

Fandaj i cili siç raportojnë mediat italiane, pak orë më parë kishte postuar në profilin e tij në Instagram një foto të kufirit mes Italisë dhe Sllovenisë është kapur nga karabinierë në shtëpinë e tij në Altidole.

Vetëm disa muaj më parë Vanessa Ballan kishte denoncuar Fandaj për përndjekje.

Ndërkohë, guvernatori venecian, Veneto Luca Zaia, i cili në shenjë respekti anuloi të gjitha angazhimet zyrtare të planifikuara për të martën në mbrëmje, njoftoi se në ditën e varrimit të 27-vjeçares do të mbahet zi rajonale.

Ajo që e bën më tragjike vrasjen, që i shtohet listës së dhjetëra grave të vrarë për shkak të femicidit këtë vit në Itali, është se 26-vjeçarja kishte kërkuar disa herë mbrojtje.

Mediat italiane raportojnë se Vanesa dhe B.F. kanë pasur një romancë, që mbaroi një vit më parë. Por. shtetasi nga Kosova, që punonte si shofer, nuk e kishte pranuar kurrë ndarjen dhe e përndiqte vazhdimisht aq sa në tetor të vitit të kaluar, e reja e denoncoi për përndjekje.

Dyshohet se 41-vjeçari e kishte kërcënuar me publikimin e disa videove intime në internet dhe me vdekje.