Autobusi nga Kosova përmbyset në Kroaci, 28 persona shpëtojnë pa lëndime
Një aksident trafiku ka ndodhur mbrëmë në autostradën A1 pranë Donja Zdençinës në Kroaci, ku një autobus i një kompanie nga Kosova është përmbysur.
Fatmirësisht, sipas informacioneve nga Departamenti i Policisë së Zagrebit, nuk ka pasur të lënduar.
Në momentin e aksidentit, në autobus ndodheshin 26 pasagjerë dhe dy shoferë. Sipas policisë kroate, ngjarja ka ndodhur rreth mesnatës, kur shoferi humbi kontrollin e timonit dhe automjeti doli nga rruga, duke përfunduar mbi një shpatull me bar.
“Një autobus me shenja kombëtare të huaja u ul nga rruga mbi një shpatull me bar pasi shoferi humbi kontrollin e timonit. Sipas informacioneve tona, askush nuk u lëndua,” thuhet në deklaratën e Departamentit të Policisë së Zagrebit.
Autoritetet kroate kanë nisur hetimet për të përcaktuar shkaqet e sakta të aksidentit.
