Zbulohet tentim-kontrabandë në Dubravë, vizitori kapet me telefona të fshehur

Rasti është zbuluar gjatë një kontrolli rutinor dhe bastisjes së detajuar ndaj një vizitori, ku zyrtarët korrektues kanë gjetur të fshehura në trup dy telefona mobilë, një kartelë SIM dhe dy kabllo mbushëse.

Pajisjet e ndaluara janë konfiskuar menjëherë, ndërsa vizita është anuluar. Sipas SHKK-së, ndaj personit të përfshirë janë ndërmarrë procedurat e mëtejshme në përputhje me ligjet dhe rregulloret në fuqi.

Shërbimi Korrektues i Kosovës ka theksuar se do të vazhdojë kontrollet dhe masat parandaluese për të luftuar kontrabandën dhe për të garantuar sigurinë brenda institucioneve korrektuese.