Shtyhet sërish seanca për Presidentin, vazhdon në ora 19:00

Kryetarja e Kuvendit, Albulena Haxhiu, bëri të ditur se shtyrja është bërë në përpjekje për të siguruar pjesëmarrjen e opozitës në këtë proces të rëndësishëm institucional.

Ajo theksoi se po vazhdojnë angazhimet që deputetët opozitarë të jenë të pranishëm në seancë.

Ndërkohë, sipas Haxhiut, deputetët e opozitës po u bëjnë thirrje dy kandidateve për presidente, Feride Rushiti dhe Hatixhe Hoxha, që të tërhiqen nga gara.

Ajo shtoi se mungesa e deputetëve bie ndesh me përgjegjësitë kushtetuese që ata kanë, duke iu referuar edhe vendimeve të Gjykatës Kushtetuese.

Kjo seancë është vazhdim i përpjekjeve për zgjedhjen e Presidentit, pasi gjatë ditës ajo ishte shtyrë fillimisht nga ora 10:00 në 14:00, ndërsa opozita ka munguar vazhdimisht në sallë.