QKUK: Katër të plagosurit nga të shtënat në Podujevë janë në gjendje të rëndë, por stabile

Drejtori i Klinikës Emergjente, Naser Syla, ka bërë të ditur se të lënduarit janë të moshës së mesme dhe po i nënshtrohen ekzaminimeve dhe trajtimit të nevojshëm mjekësor.

Sipas tij, gjendja e të katër pacientëve është e rëndë, por stabile, ndërsa ekipet mjekësore po vazhdojnë monitorimin dhe kujdesin intensiv.

Ndërkohë, autoritetet kompetente janë duke zhvilluar hetimet për të zbardhur rrethanat e incidentit me armë zjarri që la katër persona të plagosur.